Nisôn ’d nô u l’avéva ajìr(2)
e nisôn u l purtéva in zir
incù il dròva cóma di mat
spindênd a e’mēş un sagat.(3)
Ajìr a la Timo un èsistèva
zērt nisôn u l prevēdéva,
mē se te t’vlìtia telefonê
via, ’d déntar int un cafè,
se t ciamìtia da e’ zèntralén
t’antizìpitia sóbit i bajuchén(4)
e stasênd da stê nénc dó ôri (5)
al s’aviéva tôt’agl’azdôri,(6)
Se pu t şbruntlìtia(7)cun raşôn
i t’in faméva sénza raşôn:(8)
d’andê via t’a n t’azardìtia
parchè l’antèzip t’al pirdìtia.
U t’avnéva vója d’andêj te (9)
cun la biciclèta o mej a pè (10)
se zuzidéva,(11)cìtia ža incazê,(12)
mó t’a t sparagnìtia ’d paghê.(13)
1) A LA TIMO = antica Società telefonica
2) Ajìr = ieri
3) a e’mēş un sagat = al mese una enormità
4) i bajuchén = i soldini
5) dó ôri = due ore
6) agl’azdôri = le massaie
7) şbruntlìtia = brontolavi
8) raşôn = ragione
9) d’andêj te = d’andarci tu
10) mej a pè = meglio a piedi
11) se zuzidéva = se succedeva
12)cìtia ža incazê = eri già arrabbiato
13) sparagnìtia ’d paghê = risparmiavi di pagare